Qanday qilib buyraklaringizni sog’lom saqlashingiz kerak!

How to keep your kidneys healthy!

Buyraklar tanada joylashgan ikkita fasol shaklidagi organ bo’lib, ular siydikni organizomdan haydab chiqarish va qonni filtrlashga yordam beradi. Ushbu hayotiy muhim bo’lgan organga g’amxo’rlik qilish juda muhumdir.

Siz buyraklaringizni sog’lom ishlashini bir necha usullar bilan saqlashingiz mumkin, masalan:

Qon bosimingizni kuzatib boring

120/80 normal arterial qon bosimi hisoblanadi. 140/90 va undan yuqori darajalar yuqori qon bosimi deb hisoblanadi, va bu sizning buyraklaringizni charchatishi mumkin.

Qoningizda qand miqdorini muntazam kuzatib boring

Qandli diabet kasali bilan og’riyatgan bemorlarning yarmidan ko’pi buyrak kasalliklarini orttirib olish havfi ostidadirlar. Shuning uchun buyraklar faoliyatini nazorat ostida ushlash uchun muntazam ravishda testlarni o’tkazib borish juda muhimdir.

Erta aniqlanganda, diabet kasalligidan buyrak shikastlanishining oldini olish mumkin.

Doimiy ravishda jismoniy mashq bilan shug’ullaning

Doimiy jismoniy mashqlar og’ir vazn hamda qon bosimining ko’tarilishini oldini oladi. Shuni yodda tutingki, jismoniy holatingiz yomonlashgan va nosog’lom bo’lganingizda jismoniy mashq qilish buyraklaringizning zo’riqishiga olib kelishi mumkin, ayniqsa juda ko’p mashq qilsangiz, bu mushaklarning haddan tashqari buzilishiga olib keladi.

Sog'lom ovqatlarni iste'mol qiling va vazningizni kuzatib boring

Tuz iste’molini kamaytiring. Muzlatilgan yoki konservalangan ovqatlardan saqlaning. Ovqatni yangi mahsulotlardan bilan o’zingiz tayyorlashga harakat qiling.

Yetarli miqdorda suv iching

Kuniga eng kamida to’rt-olti stakan suv iching. Suyuqlik ichish buyraklarga organizmdan natriy, karbamid va toksinlarni chiqarishga yordam beradi, bu esa surunkali buyrak kasalligi xavfini kamaytiradi.

Ammo haddan tashqari ko’p suv ichmang, keragidan ortiq suv ichish buyrak faoliyatini yaxshilash uchun samarali usul emas.

Chekishni tashlang

Chekish buyraklarga qon oqimini pasaytiradi va ularning normal ishlashiga xalaqit beradi. Chekish shuningdek buyrak saratoni xavfini keltirib chiqaradi

Doimiy ravishda retseptsiz qabul qilinadigan tabletkalarni iste'mol qilishni to'xtating.

Oddiy NSAID (steroid bo’lmagan yallig’lanishga qarshi dorilar) uzoq vaqt davomida muntazam ravishda qabul qilinsa, buyrak shikastlanishiga olib kelishi mumkin.

Agar sizda quyidagi holatlardan biri yuzaga kelsa, buyraklaringizning funktsiyasini albatta shifokor ko’rigidan o’tqazing:

  • Qandli diabet bilan kasallanish.
  • Gipertenziya
  • Semirib ketish
  • Irsiy buyrak kasalligi tarixiga ega bo’lish

 

Tananing boshqa qismlaridiagi har qanday kasallik buyraklarga ta’sir qilmay qolmaydi, shuning uchun buyraklaringizga yetarli g’amxo’rlik ko’rsatish orqali buyraklaringizni kasallanish xavfidan saqlaysiz.

Maqola yoqdimi? Do'stlaringizga ulashing!

Telegram orqali bog'lanish