Kardiolog ko’rigidan o’tishingiz kerakligiga 10 sabab

Top Ten Reasons to See a Cardiologist

O’zingizni yomon his qilganingizda shifokorga murojaat qilish odatiy holdir. Ammo, agar siz hamma narsa yaxshi deb hisoblasangiz va ba’zi muhim alomatlarni e’tiborsiz qoldirishni davom ettirsangiz nima bo’ladi? Bu ba’zi jiddiy sog’liq bilan bog’liq muammolariga olib kelishi mumkin.

Yurak kasalligi ko’pincha hech qanday alomatlarsiz paydo bo’ladi. Hozirgi kunda yurak-qon tomir kasalliklari odamlarda keng tarqalgan bo’lib, ularni har kim jiddiy qabul qilishi kerak bo’lgan xavfga aylantiradi. Shu sababli, o’z vaqtida profilaktik davolanishni izlash uchun xavf omillarini yoki alomatlarini aniqlash muhimdir.

Keling, kardiologdan tibbiy yordam so’rashingiz kerak bo’lgan bir nechta yaxshi sabablarni ko’rib chiqaylik:

1. Shifokor tavsiyasi

Agar shifokor tanangizdagi yuragingiz bilan bog’liq ogohlantiruvchi alomatlarni sezsa, ular sizga kardiologga murojaat qilishingizni maslahat berishadi. Shunday hollarda, shifokor tavsiyasiga amal qilgan holda, shifokor ko’rigidan o’tkaningiz afzal.

2. Ko'krak qafasi qismingizda bezovtalik sezganingizda

Ko’krak qafasidagi og’riq – bu yurak bilan bog’liq muammo borligining belgisidir. Ko’krak qafasidagi bezovtalikka, yurak muammolaridan tashqari, oshqozon ichak qismlaridagi bezovtaliklar kabi ko’plab sabablar mavjud bo’lsa-da, shifokor ko’rigidan o’tkaningiz ma’qul, chunki bu yurak xuruji yoki boshqa yurak bilan bog’liq muammolarining belgisi bo’lishi mumkin. Shifokor kardiolog buning sababini va tegishli davolash rejasini aniqlashga yordam beradi.

3. Oila a’zolaringizning yurak hastaligi bilan og’rishi

Agar sizning oilangizda yurak hastaliklari bilan og’ruvchi oila a’zolaringiz bo’lsa, sizda ham yurak bilan bog’liq muammolar bo’lishi ehtimoli ko’proq. Tadqiqotlarga ko’ra, genetika yurak kasalliklarini rivojlanishida muhim rol o’ynaydi. Agar sizning yaqin qarindoshingiz erta yurak kasalligiga chalingan bo’lsa, unda sizda ham bu holat takrorlanishi ehtimoli katta. Shifokor kardiolog ko’rigidan erta o’tish, sizning kasallikka chalinishingiz xavfini oldini olishga yordam beradi.

4. Yuqori xolesterin miqdori

Xolesterol ko’plab oziq-ovqat mahsulotlarida mavjud bo’lgan va sizning jigaringiz tomonidan ishlab chiqariladigan yog’li moddadir. Tanadagi yuqori xolesterin miqdori tomirlarda blyashka hosil bo’lishiga olib kelishi mumkin. Tanangizdagi xolesterin darajasi qancha yuqori bo’lsa, yurak xastaligi xavfi shunchalik yuqori bo’ladi. Xolesterin miqdorini pasaytirishning eng yaxshi usuli bu sog’lom ovqatlanishdir. Bundan tashqari, shifokoringiz yurak xuruji xavfini oldini olishda yordam beradigan xolesterin miqdorini kamaytiruvchi dori-darmonlarni qabul qilishni tavsiya qilishi mumkin.

5. Yuqori qon bosimi

Qon bosimi qonning arteriya devorlariga ta’sir qiladigan kuchidir. Yuqori qon bosimi yurakni qon aylanishida qattiq ishlashiga olib keladi va yurak xuruji va insult xavfini oshiradi.

Qon bosimini muntazam nazorat qilish yurak hastaliklari bilan bog’liq muammolarini oldini olishga yordam beradi. Agar qon bosimingiz ko’tarilganini sezsangiz, albatta uni nazorat ostida ushlab turing. Kardiolog sizga qon bosimini boshqarishda yordam beradi, chunki yuqori qon bosimi yurak xastaligi yoki insultga olib kelishi mumkin.

6. Siz chekasizmi?

Chekish yurak xastaliklariga olib keluvchi asosiy xavf omillaridan biridir. Odatda u yurakka kislorod oqimini pasaytiradi va qon bosimini, yurak urish tezligini oshiradi, shuningdek tomirlar qoplamini shikastlaydi. Agar siz cheksangiz, unda sizda yurak xastaligi xavfi ortishi mumkin. Shuning uchun, shifokor ko’rigiga erta yozilish va kardiolog bilan maslahatlashish o’ta muhimdir.

7. Qandli diabet

Qandli diabet kasalligida qondagi glyukoza miqdori yuqori bo’lishi qon tomirlariga, shuningdek, yurakni boshqaruvchi nervlarga zarar yetkazishi mumkin. Shunday qilib, qandli diabet bilan og’rigan odamlarda yurak xastaligi ko’proq uchraydi.

Agar siz diabetik bo’lsangiz va yurak yetishmovchiligi alomatlarini sezsangiz, kardiologga zudlik bilan murojaat qilishingiz kerak. Kardiolog qaysi davolash usuli sizning yurak hastaligini orttirishingiz xavfini kamaytirishi mumkinligini aniqlashga yordam beradi.

8. Homiladorlikning og’ir o’tishi yoki preeklampsiya

Preeklampsiya – bu homilador ayolning yuqori qon bosimiga ega bo’lgan holatidir. Bu esa homiladorlik yoki menopauzadan keyingi paytda, ayollarda yurak xastaligi xavfini oshirishi mumkin. Agar homiladorlik paytida sizda preeklampsiya bo’lsa, yuragingizni tekshirtirishingiz zarur.

9. Yangi jismoniy mashq rejasini boshlamoqchi bo’lsangiz

Yangi jismoniy mashq dasturini boshlashni rejalashtiryapsizmi? Unday bo’lsa, avval shifokoringiz bilan maslahatlashkaningiz durust. Jismoniy mashqlar sog’liq uchun bir qator foydali tomonlarga ega bo’lsa-da, ba’zi yurak kasalliklari uchun xavfli bo’lishi mumkin. Shunday qilib, yurak sog’lig’i haqida kardiologga ko’rigidan o’ting, hamda yuragingiz uchun foydali bo’lgan, shifokor tavsiya qilgan mashqlarnigina bajaring.

10. Surunkali buyrak kasalliklari

Agar buyraklaringiz to’g’ri ishlamasa, bu yurak kasalliklarining mumkin bo’lgan belgilaridan biri bo’lishi mumkin. Buyrak kasalligi odatda yurak muammolari tufayli yuzaga kelganligi sababli, xavfdan qochish uchun kardiologingizdan yordam so’rab, kasallik sizning yuragingizga qanday ta’sir qilishini aniqlang.

Xulosa qilib aytganda, yurak xastaliklari tez-tez uchrab turuvchi hastaliklar qatoridadir, ammo uni keltirib chiqaruvchi omillar xilma-xil. Yurak sog’lig’ini doimiy ravishda kuzatib borish sizning ustuvor vazifangiz bo’lishi kerak, shunda siz hayotingizni havf ostiga qo’yuvchi hastaliklardan xalos bo’lishingiz mumkin. Yuragingiz va umuman sog’lig’ingiz himoyasini ta’minlash uchun muntazam kardiolog ko’rigidan o’tib turing. Esingizda bo’lsin, sog’lom va baxtli hayot kechirish rejasini tuzish va unga amal qilishga kirishishga hech qachon kech emas.

Maqola yoqdimi? Do'stlaringizga ulashing!

Share on facebook
Share on twitter
Share on linkedin
Share on pinterest
Share on reddit
Share on vk
Share on odnoklassniki
Share on telegram
Share on whatsapp
Telegram orqali bog'lanish