Jismoniy mashqlarning tashqi go’zallikka ta’siri

Ma’lumki, jismoniy mashqlar sog’ligimiz va farovonligimiz garovidir. Go’zal, sog’lom hamda porlab turuvchi teriga erishishda jismoniy mashqlarning o’rni juda kattadir. Yurak qon-tomir sistemasi faoliyatining yaxshilanishi organizmdagi boshqa funksional sistemalar faoliyatini ham yaxshilaydi, organizmdagi moddalar almashinuvi jarayonini faollashtiradi va bu insonning sog’lom tashqi ko’rinishini ta’minlaydi. Ammo shuni ta’kidlash kerakki, yurak qon-tomir tizimini jismoniy mashg’ulotlar bilan shug’ullanib chiniqtirish asta sekinlik bilan olib borilishi kerak. Hamda, siz har qanday surunkali dermotologik kasalliklardan aziyat cheksangiz, jismoniy mashqlarni ehtiyotlik bilan bajaring, ammo terining muammolari sizning faol turmush tarzingizga to’sqinlik qilmasligi darkor.

Sababi shundaki:
Sport bilan mutazam shug’ullanish tanada qon aylanishini yaxshilaydi, bu esa teri hujayralarini oziqlantiradi va ularni hayotiyligini ta’minlaydi. Shuningdek, qon kislorod va ozuqa moddalarini tananing turli hujayralariga, shu jumladan teriga yetkazadi va erkin radikallarni yo’q qiladi. Teringiz ichki qismi bilan tozalanadi. Bundan tashqari, u husnbuzar va ekzema kabi teri muammolarini keltirib chiqaruvchi stressdan halos etadi

Muntazam jismoniy mashqlar mushaklar quvvatini oshiradi, tetuklik bahsh etadi va sizning sog’lom va go’zal ko’rinishingizga katta yordam beradi. Jismoniy mashqlar inson tanasida quyidagi o’zgarishlarga sabab bo’ladi:

1. Toza va yorqin teri

Jismoniy mashqlar bilan shug’ullanish va yaxshi ter to’kish kichik yuz mashqi hisobidadir. Sport bilan shug’ullanish tanadagi yallig’lanishni kamaytiradi, gormonlarni boshqarishga yordam beradi va erkin radikallar zararlanishining oldini oladi. Jismoniy mashqlar paytida teridagi mayda tomirlar ochilib, terining yuzasida ko’proq qon aylanishini ta’minlaydi hamda quyosh va atrof muhit ifloslantiruvchi moddalari zararidan himoyalovchi oziq moddalarni teriga yetkazib beradi. Jismoniy mashqlar paytida teriga yetkazib beriladigan ozuqa moddalari terining kollagen hosil bo’lishini yaxshilaydi va fibroblastlarning samarali ishlashiga yordam beradi, so’ngra shu sababli teringiz yoshroq ko’rinishga ega bo’ladi.

2. O'ziga bo'lgan ishonchni oshiradi

Muntazam jismoniy mashqlar bilan shug’ullanish insonning o’ziga bo’lgan ishonchini oshiradi va tananing umumiy salomatlik darajasini yaxshilaydi.

O’zimizga bo’lgan ishonchimiz to’g’ridan-to’g’ri bizning energiya darajamiz va jozibadorligimiz bilan bog’liqligi sababli, jismoniy mashqlar tufayli o’zingizni go’zal hamda tetik his qila boshlaysiz.

3. Qomatni yaxshilaydi

Jismoniy mashqlar mushaklarning cho’ziluvchanligini ta’minlaydi, ularni mustahkamlaydi va qad-qomatning to’g’ri shakillanishiga yordam beradi. Muntazam darajada jismoniy mashqlar bilan shug’ullanish mushaklarni muvozanat holatiga keltiradi, umurtqa pog’onasini tekkislaydi, va bu qaddi-qomatning tik bo’lishini ta’minlaydi. Va siz yanada jozibaliroq, sog’lomroq ko’rinishni boshlaysiz hamda o’zingizga bo’lgan ishonchingiz ham sezilarli darajada ortadi.

4. Uyquni yaxshilaydi

Jismoniy mashqlar tanangizning stressni kuchaytiradigan kortizol gormoniga ta’sirchanligini oshiradi, bu esa uyquni yaxshilaydi va kun bo’yi o’zingizni tetik his qilishingizga yordam beradi.

5. Erta qarishni oldini oladi

Nosog’lom turmush tarzi yuzingizda ajinlar paydo bo’lishi va erta qarishni keltirib chiqarishi mumkin. Bu sizning elastin va kollagenlaringizga zarar yetkazishi mumkin va natijada teringizda ajinlar paydo bo’la boshlaydi va terining osilishi kuzatiladi. Muntazam jismoniy mashqlar teringizga qon oqimini oshiradi va tanangizga yanada yoshroq hamda yorqinroq tus beruvchi kollagenlar miqdorini ko’paytiradi.

6. Husnbuzarlarni kamaytiradi

Sport bilan shug’ullanish husnbuzarlarning ko’payishini oldini oladi. Jismoniy mashqlar paytida siz ter orqali tanangizdan toksinlarni chiqarib tashlaysiz va teringiz tozalanadi.

7. Sochlaringiz sog’lomligini ta’minlaydi

Jismoniy mashqlar boshingizda qon aylanishini yaxshilaydi, soch follikulalarini qo’zg’aydi va soch ildizlarini mustahkam bo’lishini hamda bosh terisini sog’lom vs baquvvat bo’lishini ta’minlaydi. Bu esa o’z navbatida sochlaringizni qalin, sog’lom, kuchli va yorqin tusga olib keladi.

Sog'lom teri uchun mashqlar

Ochiq havoda jismoniy mashqlar bilan shug’ullanish terini quyoshda kuyushiga olib kelishi mumkin, bu esa teri saratoni xavfini oshiradi va terining tez qarishini keltirib chiqaradi. Bu esa o’z navbatida jismoniy mashqlarning teringiz uchun bo’lgan foydasini kamaytiradi. Quyoshning intensivligi eng katta bo’lgan paytlarda, ertalab soat 10:00dan kechki 16:00gacha ochiq havoda mashq qilishdan saqlaning. Agar shu vaqtlar oralig’ida mashq qilgan taqdiringizda ham soyali joylarda bo’ling va quyosh nuridan saqlovchi kremlardan foydalaning. Agar teringiz yog’li yoki husnbuzarga moyil bo’lsa, SPF-himoyasiga ega gel yoki yog’siz mahsulotlardan foydalaning.

Eng asosiysi

Yaxshi jismoniy shaklga ega bo’lish nafaqat go’zal ko’rinishga yordam beradi, balki soch, teri va mushaklarning ko’rinishini yaxshilaydigan tanadagi gormonlar miqdorini muvozanatga keltiradi va bu o’zingizni yaxshi va yengil his qilishingizga sababchi bo’ladi. Yaxshi jismoniy shaklda bo’lish tanamizdagi har qanday tizim uchun foydali narsadir. Bu nafaqat tanangizdagi kaloriyalarni yoqish bilan bog’liq, balki bu sizni yanada yorqinroq va go’zal bo’lishingiz bilan ham uzviy bog’liqdir .